Ika upat ko na nga adlaw nga sige ako tuon ha Photoshop Elements hin pan himo mga ig baraligya. 

Mga barasahun



[Walnut Public Library]


Diba kumadto ako kakulop ha library, asya ini an ak nag kahuhuram labot la hit gi bawbawi kay kan K iton pili. Nag tikang na ako han Simple Living pag basa yana na aga.

Kadi, pag kbbq kita!


Asya la ini akon ayun nga pagkaun nga Korean. It iba di ko masabot. Sayu na pag selebrar han adlaw han mga iruy kay trabaho man J hit dominggo, pero it patarawan kay ako la ngahaw nag bayad kay ako man kuno it iruy. 😿

Akon inadlaw 

Asya na ini yana akon inadlaw, na ayun ako kay mas masayun na kuntra han akon una na mga semana. 


Han usa ko liwat na TN, mayda ko naliwat bago nga notebook nga para akon mga lista hin bisan la ano. 


Na ayun ako pag pinan lista yana na mga panahon. 


Ngan malipayun ako yana kay malimpyu it akon lamesa ngan mga shelf na ada ha bawbaw. Kutob daw la ini san-o. 😹

Kadi, pagkape kita!

Ika upat ko nga adlaw tikang ako bumalik pag inum hin kape. Kutob la ini buwas nga mag kakape ako. Ngan… ito na page nga waray ko matapos kagabi, pag padukot nala ito it kulang.

Nag titikadakmul la!

Asya ini an mga notebook nga akon pinamalit kakulop, kay mayda man niya plastic na cover, gin huso ko la ugsa itaud ha akon TN.

Mayda nga daan linya, pero mas manipis it papel, maupay ko ini pan bisan la ano nga ig susurat, kun ano la akon manumduman labi kun aadto ako ha gawas.

Gin kuha ko la an an Kraft na folder insert, tas asya ini nak gin liwan. Asya na ini ka dakmul yana. 🙀

Create a website or blog at WordPress.com

Up ↑